●Bineix guh hong cingcinj bangcoengh seiz, Gunghcwngz Yauzcuz Swciyen laebdin saedsaeh, yungh cwngfuj bued saekdi、 danhvei baihlaeng bangcoengh saekdi gyalai bangcoengh ranz miz vunz ndangcanz、 ranzgungz- hoj, doengzseiz gunghsangh cizgenh bumwnz gujli gyoengqde yungh gij hingzsik hozcozse doengzcaez vut- gungz baenqfouq. Seizneix, aen yienh neix miz nouhaet、 byaekheu、 gyagoeng daengj hozcozse 56 aen.

(Couh Binjciuh Cau Cwzginh)

●4 nyied 1 hauh daeuj, Fuconh Yauzcuz Swciyen aeu “doxgiet haenqguh coi yat- hamj, huzndei hwngfat haeuj siujgangh” guh cawjdaez, roengzsim cujciz, cauxmoq senhconz caijdij, gvangqlangh haiguh ndwen senhconz minzcuz doxgiet hozdung, doicaenh daengx yienh minz- cuz doxgiet cinbu.

(Dwng Vangzyi Vangz Yiyungz)

●4 nyied 20 hauh, gyoengq vunzmbanj Yungz- anh Yen Daliengz Cin Lungzsanh Cunh nyaengq ndaem haeuxnaz. Seizciet “goekhawx”, fwn raemx cukgaeuq, habsik doenghgo maj hung, Liujcouh Si gak dieg bouxguhnaz ciengj guh seiz dajndaem neix, youq gyang reih gyang naz nyaengq, vih bineix haeuxnaz fungsou dwkroengz giekdaej maenhndei.

(Cinz Ginghoz)

●4 nyied 21 hauh dwg ciet fwen conzdungj Dwzbauj Yen Lungzgvangh Yangh moix bi gvaq baez haenx, geij fanh boux vunz daeuj hawfwen, Dwzbauj Yen Minzcuzgiz cungfaen leih- yungh aen seizndei neix, haenqrengz haiguh minzcuz cwngcwz fapgvi senhconz hozdung, ndaej daengz vunzlai haenhndei. Hozdung geizgan, gungh fat minzcuz cwngcwz fapgvi senhconz swhliu 1000 faenh, ciepdaih minzcuz cihsiz vwndiz camcaz 112 vunzlai.

(Nungz Yungjfang)