Daxbuz gyaez ciengx gaeq, gou gyaez ciengx douq. Hoeng daxmeh naeuz ndaw ranz cij ndaej cuengq aen roengq ndeu, gou daezyiq aeu gaeq caeuq douq cuengq aen roengq ndeu ciengx. Daxmeh ciq daez daezok: “Gangj daengz gaeq douq caemh roengq, gou miz aen vwndiz ndeu gaujgauj mwngz.”

Aen roengq ndeu coux miz duzgaeq caeuq duzdouq, itgungh miz 11 aen gyaeuj, 30 gaiq ga, duzgaeq caeuq duzdouq gak miz geijlai duz?

Gou suenq le baez youh baez, gip dwk gou nyauj rwz gaeu gyaeuj. Doeklaeng daxmeh gangj gij suenqfap hawj gou.

Gyajsiet cungj dwg duzdouq, couh dwg 4×11=44 (gaiq) ga, hoeng saedsaeh cijmiz 30 gaiq ga, lai le 44-30=14 (gaiq) ga. Aenvih moix duz gaeq beij duzdouq noix 2 gaiq ga, raeuz aeu 14 gaiq ga neix bae cawz 2, 14÷2=7, yienghneix gaeq miz 7 duz, 11-7=4, doq cijmiz 4 duz.

Gou niemhsuenq baez ndeu, ndaejsoq dwg deng lo. Hoeng gou ceiq gvansim haenx dwg: Duzgaeq caeuq duzdouq ndaej caemh roengq ciengx lwi?

(ngeih nienzgaep Dungj Cezhih)