“Sam nyied sam” geizgan, Lozcwngz Mulaujcuz Swciyen Mulaujcuz Bozvuzgvanj banh angqhoh “gyaeqnding cienz cingz” minzsuz vwnzva hozdung, gyoengq lwgsau Mulaujcuz daenj buhvaq ngoenzciet, fwngz gaem va’nding caeuq gyaeqnding, naj riunyumnyum ciep hek daeuj, caemhcaiq soengq gyaeqnding caeuq hohfuk ngoenzciet hawj gyoengq bouxgeq daeuj camgya hozdung haenx, itheij faenyiengj gij angqyangz ngoenzciet “sam nyied sam”, yungh caencingz raeuj sim bouxgeq.(Mungz Cwnghswh/蒙增师)