4 nyied 13 hauh banhaet, bi 2016 daihdiemj caeqbaiq goengcoj Boux- cuengh Baeuqroxdoh youq Denzyangz Byagamjcuengh Ciuzbaiq Gvangjcangz banh, Swcigih Daizban cujyin Liuz Ganj, Cungguek Sevei Gohyozyen Minzcuz Vwnzyoz Yenzgiusoj fusoj- cangj Yenz Gozfeih, Guengjsae Cangyoz Yozvei veicangj Cinz Caijlonz camgya caeqbaiq daihdiemj.

Ngoenzhaenx banhaet, Boux- cuengh、 Buyihcuz、 Suijcuz、 Lizcuz、 Dungcuz、 Daijcuz、 Mulaujcuz、 Mauz- nanzcuz daengj 8 aen minzcuz Cuengh Dung yijhi doengzgoek doengzdaej daj Guengjsae、 Yinznanz、 Gveicouh、 Haijnanz、 Daizvanh nem Daigoz daeuj haenx gungh 34 doih doihcaeqbaiq daenj buhvaq caeqbaiq, daiq gij huq caeqbaiq fungfouq、 ciengq go caeq- baiq、 yiemzsuk caemhcaiq goenggingq mizsim dwk caeqbaiq goengcoj Boux- cuengh Baeuqroxdoh, gouz bi moq bingzan vuenyungz, haeuxgwn fungsou, saehnieb swnhleih.

4 nyied 14 hauh banhaet, bak lai doih doihcaeqbaiq geij fanh boux beksingq daj Denzyangz Yen nem dieg henzgyawj daeuj haenx laebdaeb doxcomz youq Denzyangz Byagamj- cuengh Ciuzbaiq Gvangjcangz, caeq- baiq goengcoj Bouxcuengh Baeuq- roxdoh, yienh’ok gij ciengzmienh sek- da fanh gaem yieng gingqbaiq goeng- coj.

(Vangz Yisiu/黄玉秀)