●Mboengqneix, Ginh- siu Yauzcuz Swciyen haiguh hong bujcaz heiqloih citheiq deihfueng. Ciuq cam rox, moix daengz angqhoh ngoenzciet, gyoengq cangh- heiq ndawbiengz aen yienh neix couh yungh Heiqguengj- sae、 caijdiu、 Heiqcuengh daengj yisuz hingzsik youq daizheiq lajmbanj yienj heiq.

(Cinz Haijyen Bangz Yaujvaz)

●Mboengqneix, Sanh- gyangh Dungcuz Swciyen ciuhai aen hoih anbaiz hong fuengzyw bingh’aiswh, cungjgez faensik le gij cingz- gvang hong fuengzyw bingh- aiswh seizneix daengx yienh, anbaiz le gij hong fuengzyw bingh’aiswh baezlaeng. Bineix aen yienh neix veiswngh bumwnz genhciz gij yenzcwz ciuqfap fuengzyw、 gohyoz fuengzyw、 yawhfuengz guh- cawj、 fuengzyw giethab, nyinhcaen cujciz, roengzsim anbaiz, yungh lai cungj banhfap haeujlaeg haiguh hong fuengzgaem bingh- aiswh.

(Yiz Vanjyaz)

●Gaenh geij bi neix daeuj, Yungzsuij Myauzcuz Swciyen gaem maenh gij cawjdaez hong minzcuz gak minzcuz doengzcaez doxgiet cinbu、 doengzcaez hoengh- vuengh hwngfat, giethab ndaw yienh cingzgvang, doed ok cungdenj, gaem ndei hong cauxguh minzcuz doxgiet cinbu, baujmaenh ginghci hoenghvuengh hwngfat、 minzcuz doxgiet cinbu、 ndawbiengz huzndei onjdingh.

(Cinz Cunghdwz)

●Bineix daeuj, Mungz- sanh Yen mboujduenh gyalai minzswngh gunghcwngz bued roengz ligdoh, couz ngaenz- cienz 4 ik maenz, hengzguh 12 hangh vih beksingq banh saedsaeh gunghcwngz, miz bouhloh doicaenh singzgaeuq gaijcoih、 hawsingz vanzging gyonjgyoeb cingjceih、 sicwng gingjhaemh dajrongh daengj hanghmoeg hwnjguh, mbouj- duenh daezsang singz yangh hwngfat binjciz.

（Gvanh Sinh）