Dangj saedhengz ginzcung lohsienq,

Lohsienq fuengcim ndaej minzsim;

Vih minz banhsaeh dwg cungdenj,

Gaijndei gezdenj haenh youhdenj.

Ciuqciuq gingq cingjcingj buhvaq,

Swiqswiq najnyaeuq ywyw bingh;

Dangjfungh cingq daeuj ndei guekgya,

Guekgya hwngvuengh baengh daihgya.

Ndaundeiq haemhhaemh buenx ndwen

byaij,

Lingjdauj baihgwnz roengz lajmbanj;

Bin bya gvaq dah banh saeh vaiq,

Siengjfap moqsak vih vunzlai.

Doxgangj gyausim gej ienq haemz,

Cungj naemj beksingq gvaq ndaej ndei;

Byaij mbanj cunz ranz mbouj lau baeg,

Vih bang ginzcung mbouj ngaiz haemz.

Aeu vunz guh bonj caen dwg ndei,

Gangj dauhleix dem banh saedsaeh;

De lumj haicin fwn doek nei,

Daiq hawj nungzminz ciudaeuz ndei.

Ndaem roengz gva daeuj muengh sou gva,

Cwng haeuxnah bae guh ceiznah.

Genhciz haedsim vih gijmaz,

Lohsienq ginzcung vih daihgya.

Dah neix dap hwnj goengq giuz maenq,

Ndoi haenx hai doeng diuz loh hung;

Ginzcung haeujok mbouj lau laenx,

Cawx gij ci moq aen youh aen.

Ginzcung lohsienq vih yinzminz,

Baihgwnz yinx ndei baihlaj dingh;

Dangj caeuq ginzcung sim doxlienz,

Guekgya hungmbwk yinzminz angq.