Hajcung cwngcwz moq

Angq cien hoh fanh ranz

Bouxboux cix angqyangz

Gvanbaz ciengx song lwg

Hawciengz ndaej swyouz

Hai dou caih vunz guh

Mbouj yungh ngaeq cwngfuj

Ginghci guh hwnjbae

“Cibsam haj” giva

Vunz naj riu naj hai

Guekgya swhbwnj lai

Hai baujcang sevei

Bujgiz daengz gauhcungh

Bancoz cungj hag gvai

Bouxboux miz dungxcaiz

Caux fuk hawj guekcoj

Bi 2020

Dieggungz gingz hwnj gyaeuj

Gizgiz couh baenz fouq

Gwn youq ndei daengxbiengz

Doenghboux vunz guhhak

Dam cienz gag ra dai

Cidu raeuz yiemz lai

Haicawz mbouj hawj naj

Cunghyangh dem vunz moq

Boux ndei goj haeujbae

Vunz biengz gvaq ndaej ndei

Doengzcaez angqfwngfwng

Gangj-Au hengz minzcuj

Raeuz guj haeuj couh deng

Songhamq caez gaprengz

Ceng cauxguh ngoenzmoq