Gyanghaet hagdangz dwg caem- dingh. Gyanghaet caengz mok mbang lumj mbaw baengzsa nei gyuemluemz aen hagdangz, aenlaeuz sonhag ndoj youq ndaw mok. Gizgyae, mok mumjmumj gyumqgyumq, gij gingjsaek neix geijlai hawj vunz maez ha.

Gyanghaet hagdangz dwg gyaeu- ndei. Dang daengngoenz loh ok aen najriu de seiz, ngoenz moq he hainduj lo. Ndaw hagdangz, go’nywj iq daengj hwnj aennaj dwggyaez de; gij va gak saek gak yiengh, miz hau、nding、henj…… ndeiyawj lai lo; gofaex henz va heusubsub, dak dwk dujva engqgya gyaeundei！

Gyanghaet hagdangz dwg nauhyied. Dang gyoengq doengzhag laebdaeb daeujdaengz hagdangz, ndaw hagdangz sikhaek nauhyied hwnjdaeuj, ndaw cauhcangz, gyoengq doengzhag dwkgiuz bouxboux ak raixcaix, youq gwnz giuzcangz buet bae buet dauq. Mizseiz gyoengqde sugsed yinhgiuz、cienzgiuz、douzlanz, sawj gyoengq doengzhag ngonzyawj haenx haenh mbouj dingz.

Gyanghaet hagdangz dwg cung- muenx maqmuengh. Dang daengngoenz henjrwg ciuq haeuj ndaw conghcueng seiz, ndaw gyausiz gaenq dwg sing doegsaw goksasa. Gyoengq doengzhag gaemdawz bonjsaw, mbouj haengj sai seizgan saek faen saek miux.

Gyanghaet hagdangz gak saek gak yiengh, gou gyaez gyanghaet hagdangz.

(Giyangzhu Sizyen Yozyau Goh Sihyi)