4 nyied 9 hauh(liggaeuq ndwen sam cosam), Lozcwngz Mulaujcuz Swciyen Bouxcuengh、 Mulaujcuz、 Yauzcuz、 Myauzcuz、 Dungcuz daengj beixnuengx saujsu minzcuz doxcomz guh hozdung, doengzcaez angqhoh conzdungj ngoenzciet “sam nyied sam”.

Cungguek saujsu minzcuz conzdungj ngoenzciet “sam nyied sam” geizgan, daengx guek aen Mulaujcuz swciyen dog——Guengjsae Lozcwngz Mulaujcuz Swciyen youq gak gingjdiemj gingjgih banh fouxfungcingz Mulaujcuz、 Mulauj cuzgiuz、 ciengj ceiz、 foux lungzfiengz、 doiq fwen daengj minzcuz comzyienj caeuq miz yinx dijyuz doxdax hozdung, dangdieg Bouxcuengh、 Mulaujcuz、 Yauzcuz、 Myauzcuz、 Dungcuz daengj beixnuengx gak saujsu minzcuz doxcomz ciengqgo diuqfoux, baijyienj minzcuz fungcingz, angqhoh saujsu minzcuz conzdungj ngoenzciet “sam nyied sam”, yinx ndaej gak dieg haujlai hekyouz daeuj yawj.(Liu Gvanghfuz/廖光福)