4 nyied 6 hauh, Ginhsiu Yauzcuz Swciyen Minzcuz Siujyoz haiguh le gyongraez cauhlienhndang biujyienj、 diuq fouxsaux、 fwngz guh daegsaek doxgaiq minzcuz daengj doxdax hozdung, angqhoh “sam nyied sam” daeuj daengz.

Ciuq cam rox, aen hagdangz neix 3 nyied 30 hauh daengz 4 nyied 7 hauh faenbied haiguh le ciengq go minzcuz, minzcuz dijyuz doxdax、 minzcuz vwnzva cihsiz doxdax daengj baenzdauq minzcuz vwnzva gyauyuz hozdung, lij leihyungh ndawhag gvangjbo、 hwzbanjbau、 dangzbanhdui daengj hingzsik, gangj “sam nyied sam Bouxcuengh” minzcuz conzdungj ngoenzciet daengj minzcuz vwnzva. Doenggvaq haiguh baenzdauq gyauyuz hozdung, gyahung minzcuz vwnzva senhconz, fungfouq hagdangz vwnzva saedceij, hawj gyoengq lauxsae hagseng engq lai roxyiuj Guengjsae minzcuz vwnzva conzdungj maenhndei, daezsang hagdangz minzcuz doxgiet gyauyuz caeuq huzndei cinbu suijbingz.(Vangz Siufung/黄秀凤)