●Mboengqneix, gij vwnz- yi sam roengzmbanj yienjok hozdung “Bingzgoj gyaeundei swnghdai lajmbanj” youz Bingzgoj Yen Vwnzgvangjgiz cawjbanh, Yen Vwnzva Guenj- leix Cungsim、 Yen Minzsuz Vwnzva Swnjcienz Cungsim ciepbanh haenx bae daengz aen yienh neix Fungvuz Cin Vanzdwz Cunh yienjok, vih dangdieg saujsu minzcuz vunzlai yienj ciengz vwnzyi hoihhoengh ndeu.

(Vuz Anhginh)

●Mboengqneix, Lungz- swng Gak Cuz Swciyen Gungh’anhgiz baij ok minz- gingj, vih diegguenjleix boux ndang miz bingh、 hengz- doengh mbouj fuengbienh haenx daezhawj “hwnjranz ingjsiengq、 soengq cwng hwnjranz” bienh minz fuzvu, aeu saedsaeh hengzdoengh daezsang fuzvu cizlieng, hawj gingjminz gvanhaeh dox- ndei.

(Veiz Gizyangz Suz Cunghyinz)

●4 nyied 6 hauh, Lungzlinz Gak Cuz Swciyen youq Cwngzcungh Youhhenz Gvangjcangz haiguh bi 2016 ndwen senhconz minzcuz doxgiet cinbu hozdung, venj fukbaengzhoengz diuz ndeu、 baij canjbanj 3 gep、 fatcuengq mbawsenhconz 3000 mbaw、 bonjsenhconz 500 lai bonj daengj. Doenggvaq hozdung, hawj gak cuz vunzlai engqgya doxgiet doxndei, vih ndaw- biengz onjdingh miz doidoengh cozyung gaenxmaenx.

(Dauz Dwzgvangh)

●Vih angqhoh conzdungj ngoenzciet Bouxcuengh “sam nyied sam”, hawj ngoenzciet heiqfaenh nauhyied, fungfouq vunzlai cingsaenz saedceij. 4 nyied 6 hauh banringzgvaq, Lingzyinz Yen Yihungz Yauz- cuz Yangh youq aen yangh neix cwngfuj gvangjcangz banh conzdungj ngoenzciet “sam nyied sam” vwnzyi comzyienj hozdung, gyoengq beixnuengx Cuengh Gun Yauz daj gak mbanj daeuj haenx doxcomz youq giz haenx, doengzcaez angqhoh conzdungj ngoenzciet “sam nyied sam” daeuj daengz.

(Veiz Fucwngh)