Daxboh biek dou bae 8 bi lo

Mwngz youq lajyaem gvaq ndaej ndei mbouj

Ndang in gyaeujdot seiz miz mbouj miz vunz ciuqgoq

Dungx iek seiz miz mbouj miz vunz daek haeux hawj gwn

Seiznit seizndat miz mbouj miz vunz bang rieg saeg buhvaq

Gij rumz sam nyied sam ha

Cingj mwngz dawz aen siengjniemh gou

Seizseiz raeuj daengz gova go’nywj diendangz

Hawj diendangz ciengxlwenx raeuj lumj seizcin

Gij fwn sam nyied sam ha

Cingj doek roengz gwnz naj gou daeuj

Hawj raemxda gou caeuq mwngz itheij loenqdoek

Gaej hawj daxboh raen gou lae raemxda

Nyienh daxboh geiq ndaej gou hix najriu gvaq

Gij seizgan sam nyied sam ha

Cingj mwngz menhmenh nod gvaqbae

Hawj gou caeuq daxboh doxbuenx nanz di

Hawj gou caiq dingq daxboh gangjvah

Gouz mwngz dingz yamqdin roengzdaeuj

Hawj gou caiq ndomqyawj aennaj daxboh

Hawj gou caiq gamjsouh gij gyaez daxboh baez ndeu