Mboengqneix, daihhingz heiqfoux Bouxcuengh 《Mehlwg Ra Henzmbwn》 hanghmoeg ndaej senjhaeuj ngaenz- goek yisuz guekgya 2015 nienzdoh bangbouj hanghmoeg. Doengzseiz lij miz daihhingz Heiqguengjdoeng 《Yinghlo Con》《Nanzbai Heiqguengj- doeng Biujyienj Vunzcaiz Son’gyauq》song aen hanghmoeg ndaej liedhaeuj bangbouj hanghmoeg, sam aen hangh- moeg gungh ndaej 570 fanh maenz ngaenz bangbouj.

Ngaenzgoek yisuz guekgya dwg goeng’iksingq ngaenzgoek, muzdiz dwg hoenghvuengh yisuz cauxsij、 dajcaux caeuq doigvangq cozbinj cingbinj gagsij、 gungganq yisuz cauxsij vunzcaiz、 doicaenh guekgya yisuz saehnieb cangqheiq hwngfat, bangbouj loihhingz baugvat daizheiq yisuz cauxsij、 yisuz vunzcaiz gungganq caeuq bouxcoz yisuz cauxsij vunzcaiz daengj.

Daj bi 2014 ngaenzgoek yisuz guekgya laebbaenz daeuj, aen si neix gig yawjnaek hong bauq ngaenzgoek, laebdin bonjdieg swhyenz vwnzva minzcuz naekna, gaenxmaenx cujciz vwnzyi yendonz roengzsim biencaux、dajcaux cingbinj, caemhcaiq ciuq iugouz, guh ndei hong bauq ngaenz- goek, aeundaej cwngzgoj gig ndei. Bi 2014 Namzningz Si heiqfoux 《Buh Bwnroeg》、 heiqbang 《Hoz·Haiz》、 moedlaenz 《Soengq Haizcingz》 ndaej senjhaeuj, ndawde daihhingz heiqfoux 《Buh Bwnroeg》 ndaej bi 2014 ngaenz- goek yisuz guekgya daihhingz heiqfoux bangbouj hanghmoeg, dwg cozbinj dandog Guengjsae senjhaeuj daihhingz heiqfoux caeuq cozbinj, gyahwnj gij cwngzgoj bi 2015, Namzningz baenz aen hawsingz Guengjsae dandog laeb- daeb song bi senjhaeuj daihhingz heiqmoeg hanghmoeg.

Daihhingz heiqfoux Bouxcuengh 《Mehlwg Ra Henzmbwn》 daengx guek cunzyienj hanghmoeg dwg Namzningz Si Yisuz Heiqyienh Mizhanh Cwzyin Gunghswh youq daihhingz heiqfoux 《Buh Bwnroeg》 doeklaeng, baezmoq ndaej ngaenzgoek yisuz guekgya bangbouj hanghmoeg. Heiqmoeg yaek baengh gij ngaenzcienz haeujcoengh ngaenzgoek yisuz neix, youq bi 2016 youq daengx guek gvangqlangh haiguh cunzyienj aeu heiq 《Mehlwg Ra Henzmbwn》 guh haedsim, doenggvaq gij fuengsik lizdij、 ronghsien neix, aeu minzcuz vwnzva Bouxcuengh maenh- ndei caeuq daizheiq yisuz cingbinj youq daengx guek guh doigvangq.

(Banh Bingjcinz/潘炳辰)