●Gunghcwngz Yauzcuz Swciyen Gunghcwngz Cin sonyinx nungzminz hwngfat laj faex ginghci, bang nungzminz demsou, gij gaeqboux aen cin neix Gujcwngz Mbawcaz Cien- nieb Hozcozse ciengx haenx ngamq hab seiz gai. Ciuq cam rox, aen hozcozse neix moix geiz ciengx 10000 duz gaeq- boux, moix bi 2 geiz, dangqnaj hawciengz sou gyaqcienz dwg moix goenggaen 18 maenz, baenz cungj fuengfap dangdieg nungzminz vutgungz baenzfouq ndeu.

(Liengz Veih)

●4 nyied 1 hauh, Dasinh Yen gak yanghcin nem donz- veij、 gyauyuz daengj bumwnz faenbied cujciz haiguh lai dieg mohlezsw caeq sauq hozdung, aeu neix geiqniemh gwzming senhlez, son bouxcoz ganbu、 hagseng mbouj lumz gwzming cingsaenz, gyagiengz gyaez guek cujyi cingzcauh. Ngoenz- haenx, daengx yienh gungh miz 1000 lai boux dangjyenz ganbu、 lauxsae hagseng nem sevei yinzsw camgya caeq sauq hozdung.

(Cinz Civanj)

●Vih yawhfuengz gyau- doeng saehhux fatseng, mboengqneix Denzyangz Yen Yifung Cin Cwngfuj cujciz mizgven bumwnz bouxguhhong haenqrengz boiqhab baicuzsoj、 gyauhgingj cunghdui haiguh roenloh gyaudoeng ancienz lienzhab cingjceih hengz- doengh, youq duenh roen cungdenj caeuq lohdoxgap doiq fouz baiz fouz cwng、 cauhyenz cauhcai daengj famhfap famhgvi hingzveiz guh cingjceih.

(Vangz Gozsun)

●Haeuj cin daeuj, Yungzanh Yen Cangzanh Cin Dunghvuz Fangzyiz Hozcozse gapbaenz aen doihfugsaeh gisuz ciengx doihduz miz 6 boux vunz ndeu, haeuj ranz haeuj mbanj vih lajmbanj bouxdajciengx hwnjdangz, youq yienhsingz Hozsih Lwg- doenghduz Comzsanq Cungsim vih bouxguhseng’eiq dwk cimyawhfuengz gaeq mbouj aeu cienz, vih vunzlai guh saehndei, coicaenh nungzminz demsou.

(Veiz Cujswz)