Mbawfaex seizcou gag loenqdoek

Saekseiz moek lajnamh

Saekseiz biu hwnj mbwn

Minghyinh ndi dingh ndaej

Rumz fouz cingz fouz eiq

Dongj mwngz doek daengz gwnz namh

Naedfwn angjak dwk

Rwed mwngz cienz dumzmbaeq

Bouxvunz byaij gwnzloh

Daemh mwngz geij mbat din

Lwgnyez mbouj roxsoq

Sik mwngz gveng gwnzdieg

Ganjfaex hung youh coek

Gag naemj gag siliengz

Ngiengx gyaeuj daemx byaifaex

Louz miz geijlai mbaw

Mwngz gag rox

Daihdeih coh mwngz vadfwngz

Diuzmingh gaenq doekcod

Ngoenzcog nanz ra raen

Hoeng

Mwngz yungh ndik lwed ceiq doekcod

Rwedganq doengh mbaw caengz doekloenq

Laepda boenq bae cou