3 nyied 27 hauh, Gunghcwngz Yauzcuz Swciyen youq aen yienh neix Vwnzvuj Gvangjcangz banh Yauzcuz cauhgyongraez baijyienj hozdung, ca mbouj geijlai cien boux lwgnyez bouxlaux caemhdaiz doxdax, nauhyied raixcaix, yinx ndaej haujlai hekyouz caeuq bouxgyaez ingjsiengq daeuj ngonzyawj daejniemh. Gaenh geij bi neix daeuj, aen yienh neix yawjnaek vatcimh caeuq swnjcienz minzcuz vwnzva, aeu minzcuz vwnzva yungzhaeuj daengz yanghcin、 segih、 hagdangz caeuq mbanj, gaenjmaed giethab minzsuz youzcet, baijyienj le gij yienghsiengq saedceij cingsaenz Mbanjyauz vunzlai gaenxmaenx doxhwnj. Ciuq cam rox, dangqnaj aen yienh neix gaenq miz 12 aen hanghmoeg ndaej liedhaeuj si gaep feihvuzciz vwnzva yizcanj daibyaujsing hanghmoeg mingzloeg.(Liengz Veih/梁 辉)