3 nyied 24 hauh, Ningzmingz Yen Swlang Yangh Cungsim Siujyoz gyoengq hagseng sam nienzgaep cingq nyinhcaen lienh “Gienzbyaraiz”.

2016 nienz 6、7 nyied Lenzhozgoz Seiqgyaiq Yizcanj Veijyenzvei yaek doiq Cojgyangh Byaraiz vehdat vwnzva gingjgvanh guh daeuzbiuq biujgiet baenz seiqgyaiq vwnzva yizcanj. “Gienzbyaraiz” dwg gyahaeuj Byaraiz vehdat yenzsu gaijbien baenz gig miz Loegvet vwnzva daegsaek, aeu lienhndang、 henndang、 guh’angq daengj comz youq itheij. Seizneix, Ningzmingz gak cungh siuj hagdangz gaenq cienzmienh son lienh “Gienzbyaraiz”, hawj gyoengq hagseng youq lienhndang doengzseiz, swnjcienz Loegvet Byaraiz vwnzva, bangcoengh Byaraiz vehdat sinhyiz.

(Couh Yizgangh/周贻刚 Cinz Gveimeiz/陈桂梅)