Mboengqneix, Swhyenz Yen Den- sidaiz 《Sinhvwnz Vahmyauz》 lanzmoeg cingqsik haicuengh. Swhyenz Yen dwg aen yienh yiengjsouh doiqdaih lumj swciyen nei, Myauzcuz gyaeujvunz ciemq cungj gyaeujvunz 18.5%. Aenvih miz mbangj bouxlaux Myauzcuz mbouj sug Vahgun geijlai, dingq mbouj rox Vahgun. Yienh minzcuzgiz、 vwnzsinh gvangjdijgiz ginggvaq diuyenz caemh- caiq caeuq mizgven vunz、 minzcuz lauxhangz hai aen hoihnaenghdamz, gvangqlangh cam’aeu gij yigen caeuq genyi haicuengq densi cezmuz Vahmyauz haenx, doiq 《Sinhvwnz Vahmyauz》 lanzmoeg fanhoiz、 geiz- laeng raedciep cuengqok daengj gak hangh hong guh le nyinhcaen yenzgiu, doengzseiz, yiengq ndawbiengz goeng- hai ciu vunzcaiz bouxboqyaem Vah- myauz.

Haicuengq gvangjbo densi sinh- vwnz lanzmoeg Vahmyauz, ndaej daengz daengx yienh haujlai ganbu ginzcung gvansim caeuq haenhndei, doiq caenh- itbouh hoenghvuengh hwngfat saujsu minzcuz vwnzva saehnieb、 coicaenh saujsu minzcuz vwnzva hwnjguh caeuq dieg minzcuz ginghci ndawbiengz hwngfat、 gyamaenh minzcuz doxgiet daengj fuengmienh cungj miz youqgaenj yiyi. (Dangz Siyouj/唐世友 Cau Mingzveij/赵明伟)