Bonjbauq siuqsik (gicej Couh Yi) 3 nyied 22 hauh, Swcigih Minzveij (Cunghgyau Giz)、Swcigih Minzyijveij hai hoih, daengx guek yinzda daiqbiuj、 Swcigij Minzveij、Minzyij- veij cujyin Luz Yenbenj boux ngamq camgya daengx guek song hoih dauqma haenx, youq gwnz hoih lwnhcienz le gij cingsaenz Daengx Guek Yinzda Seiq Baez Veiyi. “Song veij” lingjdauj、 gihgvanh gak cu(siz) daengxcungq ganbu cizgungh, gak cizsuz danhvei cujyau bouxfucwz caeuq boux fucwz gijgenj gamcaz haenx camgya le hai hoih.

Luz Yenbenj lwnhcienz le gij daihgaiq cingzgvang、 cujyau cing- saenz aen hoih Daengx Guek Yinzda Seiq Baez Veiyi caeuq gij cingzgvang guhhong gyoengq daiqbiuj Guengjsae daiqbiujduenz camgya hai hoih daengj, de naek youq lwnhcienz le gij cujyau cingsaenz cwngfuj gunghcoz baugau.

Luz Yenbenj daegbied giengz- diuh, Cunghgung Cunghyangh Cwng- cigiz Cangzveij、Gozvuyen fucungjlij Cangh Gauhli camgya Guengjsae daiqbiujduenz saemjyaeng cwngfuj gunghcoz baugau, saemjcaz “cibsam haj” gveihva ganghyau caujanq caeuq dingq le daiqbiuj genyi seiz, de cungfaen haengjdingh gij hong Guengjsae. Doengzseiz doiq gij hong baezlaeng Guengjsae guh le youqgaenj cijsi, gak hangh hong genyi Guengjsae caemh ndaej haeujcoengh.

Luz Yenbenj lij giethab gij hong minzcuz cunghgyau、hong vah saw minzcuz Guengjsae guh le lwnhcienz. De naeuz, cwngfuj gunghcoz baugau daegbied giengzdiuh le “lozsiz cabiedvaq haeujcoengh cwngcwz coicaenh minzcuz deihfueng hwngfat”, yienh’ok le Cunghyangh engqgya yawjnaek minzcuz deihfueng hwngfat. Giethab gij hong minzcuz Guengjsae，aeu gaengawq cingzgvang gih raeuz, roxyiuj gij doxdoengz caeuq mbouj doxdoengz Guengjsae saujsu minzcuz caeuq swngjwnq gih’wnq saujsu minzcuz, cimdoiq gij daegdiemj hong saujsu minzcuz gih raeuz, daezok guekgya cwngcwz haeujcoengh yaek yungh haenx aeu miz hableixvaq、 cimdoiqsingq.

dangguh daengx guek yinzda daiqbiuj, Luz Yenbenj camgya Daengx Guek Yinzda Seiq Baez Veiyi hai hoih seiz daezgyau le song aen daiqbiuj genyi: It dwg genyi Cunghyangh aeu Guengjsae liedhaeuj aen’gvaengz swnghdai boujdauq sawqniemh, ngeih dwg genyi guekgya caenhvaiq hoiz- fuk okbanj《Minzcuz Vabau》banj Sawcuengh.