Raemxvaengz mbouj vad ruz

Ronghndwen ciuq haeuj geh doucueng

Bouxdog gag ninz mbonq

Fwt hwnqdaeuj cit ien

Aensim siengjniemh lingh boux vunz

Rumz fwj bienq lailai

Seiqvunz loh gumzgamx

Loq raen mwh biek seiz

Ndwenngoenz lumj naq bae

Youcaeuz fwt hwnj gyaeuj

Byoemgyaeuj hausagsag

Siengjniemh mbouj rox liux

Fwjmok caemh sanq bae

Hojsik boux gadog

Rwd gyae rwd gyawj

Rwd raen rwd mbouj

Hwnz gaenq laegcaem

Ninz ndaek gyaenfwfw

Dauqngeix vuenyungz saedceij

Dawz de yo haeuj ndaw moengh