Banhaemh, gou ndwn youq bakdou, dinghdingh yawj rongh- ndwen gwnz mbwn.

Ronghndwen ndoj youq ndaw geh fwj, cij loh ok aen naj iq youh vangungj youh soem he, lumj- baenz cazyawj seiqhenz doengh- danh. Gvaq yaep ndeu, rongh- ndwen cij cuengqsim ndonj ok geh fwj, mbin coh baihgwnz, menhmenh youq gyangmbwn youzbyaij.

Vaiq yawj gizhaenx! Baihlaj ronghndwen, duj fwj he bienq ndaej youh saeq youh raez, lumj fag camnyawh he，ronghndwen couh lumj doxgaiq gyaeundei sieng youq gwnz fagcam rongh- myagmyag.

Mbwn yied daeuj yied laep, ronghndwen yied daeuj yied rongh. Fwj cungj bienq saek- ndaemlamz lo, cij miz benq “fwj” he dwg saekngaenzmong, raezrang youh gyaeundei. Yi, mbouj dwg “fwj” bw, sijsaeq baez yawj, laxlawz dwg ndaundeiq! Haujlai haujlai rongh ndaundeiq yubyub yebyeb.

Gij rongh ciemhciemh sanq bae, mbouj caiq ronghsien lo. Va! Miz duz “ma’mbwn” he, de coemj coh ronghndwen, gaemz he gyan ronghndwen roengz dungx bae lo. Gvaq le haujlai nanz, “ma’mbwn” nyeng ndang ninz, haiz aen ronghndwen okdaeuj lo. “Ma’mbwn” ne, youh menhmenh bienqbaenz duzsaeceij vifung、duzguk saenzheiq ……

Ronghndwen gyanghaemh gyaeundei raixcaix.

(sam nienzgaep Lij Sinjlinz)