Vih swnjcienz caeuq fatyiengz minzcuz vwnzva, daj 2014 nienz 7 nyied hainduj, Dwzbauj Yen hailaeb le 《Sinhvwnz Vahcuengh Dwzbauj》caeuq 《Gojgaeq Byayinzsanh》song aen Vahcuengh densi lanzmoeg, yungh cungj Vahcuengh feihdauh nyuenz miz neix boq sinhvwnz、 gangj gojgaeq. Ciuq doengjgeiq, daengz 2016 nienz 2 nyied, gungh cuengqok《Sinhvwnz Vahcuengh Dwzbauj》 433 geiz, 《Gojgaeq Byayinzsanh》 89 geiz, daengx yienh 12 aen yanghcin ca mbouj geijlai 30 fanh dangdieg saujsu minzcuz yawj le aen densi lanzmoeg neix, ndaej daengz vunzlai haengj- gyaez.

Daj haibanh aen lanzmoeg neix daeuj, Dwzbauj Yen giendingh gij yenzcwz “depgaenh saedsaeh、 dep- gaenh saedceij、 depgaenh vunzlai”, mboujduenh daezsang Vahcuengh densi cezmuz cizlieng, hawj Vah- cuengh densi cezmuz baenz aen conghcueng youqgaenj dangdieg vunz- lai roxyiuj caeuq senhconz cwngcwz guekgya he, hawj gij naengzliengh ndei nem singyaem ndei dangj caeuq cwngfuj cienzboq daengz Mbanjcuengh gak mbanj, mboujdan mizleih doidoengh haiguh cwngfuj gak hangh hong cungsim, doengzseiz hix fungfouq le vwnzva saedceij saujsu minzcuz vunzlai.

(Nungz Yungjfang/农永放)