●Seizcin dajndaem daengz lo, Lungzswng Gak Cuz Swciyen sonyinx daengxgyoengq dangj- yenz ganbu haeuj mbanj haeuj ranz bae daengz gyang reih gyang naz, haenqrengz senhconz Cunghyangh it hauh vwnzgen cingsaenz caeuq gak hangh ak nungz leih nungz cwngcwz dangj raeuz, sonyinx nungzhoh guh seizcin dajndaem swnghcanj.

(Veiz Gizyangz)

●Mboengqneix, Bingzgoj Yen dingh ok le bi 2016 “sam nyied sam” hozdung fueng’anq, giethab bonjdieg saujsu minzcuz fungsug caeuq minzcuz vwnzva daegdiemj, dingh’ok le gak cungj hingzsik angqhoh ngoenzciet hozdung, roengzrengz aeu “sam nyied sam” hozdung banh’ok daegsaek、 banh’ok cingbinj.

(Lij Gyanghlanz)

●3 nyied 16 hauh, Nanz- danh Yen Bazhih Yauzcuz Yangh Fulenz leihyungh ngoenzhaw haiguh 《Fap Fanj Gyaranz Bauqlig》 senhconz hozdung, gyauyuz sonyinx vunz ndawranz aeueiq fap、 hag fap、 souj fap, roengzrengz caux gij heiqfaenh ndawbiengz ndei “bouxboux rox faplwd、 hohhoh gangj vwnz- mingz、 ranzranz caux huzndei”.

(Moz Gijcauh Mungz Gveidanh)

●Mboengqneix， Lozcwngz Gunghden Gunghswh cujciz bouxgagnyienh bouxcoz cizgungh bae daengz Sanghcai Siujyoz haiguh “hauxseng bangcoengh, dou cingq hengzdoengh”gapdoiq bangcoengh hozdung, soengq lanzgiuz、saw nem daehsaw daengj hagsib doxgaiq hawj hagdangz caeuq gyoengq siujhagseng mbouj aeu cienz, hawj gyoengq siujhagseng roxyiuj daengz gij raeuj ndawbiengz.

(Liu Gvanghfuz Veiz Yungzhan)

●Mboengqneix， Vanz- gyangh Mauznanzcuz Swciyen Minzcuz Cunghyoz banh gaiq daih’it ciet yisuz vwnzva minz- cuz. Aen ciet neix neiyungz miz minzcuz ndangdaenj baijyienj、 minzcuz gofoux vwnzyi vanjvei caeuq minzcuz dijyuz hanghmoeg doxdax daengj hingzsik lai cungj lai yiengh. Muzdiz dwg caenh- itbouh swnjcienz minzcuz conz- dungj, fatyiengz minzcuz vwnzva caeuq minzcuz doxgiet cingsaenz.

(Danz Su’myauz)