Daxboh okrog dajgoeng gaenq haujlai ngoenz lo, hoeng gou lij ciengz siengj hwnj coenzvah daxboh.

Ngoenzhaenx banhaemh, gou cingq sij cozyez, daxboh doiq gou naeuz:“Mwngz siengj mbouj siengj hwnj daihhag?”

“Siengj ha, hoeng gou mbouj dwg cibfaen siengj.” Gou sim mbouj youq dieg han daxboh.

“Vih gijmaz?” Daxboh dingq gou gangj le gig doeksaet, aennaj sawqmwh raemh lo, “Mbanj raeuz cij ok boux daihhagseng Cinghvaz he, mwngz couh mbouj siengj dang boux daihngeih ha?”

“Gou siengj, gou siengj baenz boux daih’it okguek louzhag.” Gou giendingh naeuz. “Mbouj- gvaq, gou mbouj siengj hawj sou vih soengq gou doeg daihhag daiq sinhoj.”

“Mwngz siengj lai lo, cijaeu mwngz gauj ndaej hwnj, bae daengz gizlawz doeg, dou couh soengq daengz gizde, ndaej soengq dahlwg doeg daihhag, dwg gij vuenyungz ceiq hung dou.” Dax- boh angq dwk naeuz, “Yienghneix mwngz seizneix yaek baenzlawz guh ne?”

“Yaek ndeindei hagsib, gaenx doegsaw. Hwnjdangz gax- gonq sien yisiz, hwnjdangz gvaq le yaek fuzsiz, lai guh lienhguh. Aeu gij doxgaiq wnggai boih haenx boih sug, aeu gij cihsiz wnggai gaemdawz haenx gaem- dawz ndei.”

“Mboujdan dwg yienghneix, vanzlij miz saenqsim, saenq swh- geij naengz gauj hwnj daihhag.” Aennaj daxboh rongh le haujlai.

“Docih daxboh, gou miz saenqsim!”

“Yaek geiq maenh gij vah mwngz gangj haenx, aeu gangj daengz guh daengz bw.” Daxboh gig yiemz dwk naeuz.

“Mbanj raeuz cij ok boux daihhagseng Cinghvaz he, mwngz couh mbouj siengj dang boux daihngeih ha?” Coenz vah daxboh neix itcig gujli gou. Seizneix, gou engq siengjmuengh saedceij daihhag lo, gou yaek hwnj daihhag, gou itdingh gauj ndaej hwnj daihhag!

(roek nienzgap Lij Ginjcan)