Miz seiq beixnuengx yiengz- nyoengq, sam duz dwg yiengzhau, duz ndeu dwg yiengzndaem.

Sam duz yiengzhau gag nyinhnaeuz swhgeij gig gyaeundei, ciengzseiz riu yiengzndaem naeuz:“Yawjyawj mwngz, daengx ndang ndaemndatndat, lumj ndaek danq ndeu, yakyawj lai lo.” Yiengz- ndaem dingq le gig siengsim, boux dog ndoj youq ndaw gungxgex lae raemxda.

Miz ngoenz ndeu, yiengz- nyoengq seiq beixnuengx bae rog ndoi youz, sawqmwh mbwn doek nae lo, nae yied doek yied hung, gyoengq yiengznyoengq simvueng lo, doeklaeng deng loeng roen lo, ndoj youq henz caz faex ndeu, caj bouxcawj daeuj gouq gyoengqde, hoeng, seiqhenz ndoi hausaksak, bouxcawj gig hoj fatyienh gyoengqde, bouxcawj ra bae ra dauq, dauqdaej fatyienh giz gyae dieg nae miz di saekndaem ndeu, buet gvaqbae baez yawj, cingq dwg seiq beixnuengx yiengznyoengq, gyoengq yiengznyoengq ndaej gouq lo. Bouxcawj angqvauvau naeuz:“Danghnaeuz mbouj miz yiengzndaem, gou couh ra mbouj raen gyoengqsou lo, dwg yiengz- ndaem gouq mingh sou ha！”

Daj seizhaenx hwnj, sam duz yiengzhau caiq mbouj riu yiengz- ndaem yakyawj lo, seiq beix- nuengx yiengznyoengq youq itheij guhcaemz angq raixcaix.

（武鸣县仙湖镇中桥小学 潘金妹 hoiz）