3 nyied 10 hauh, Lungzswng Gak Cuz Swciyen Bingzdwngj Cin Canghbei Cunh banh gaiq daih’it ciet caz seizcin. Ngoenzhaenx, banh le mbaetcaz doxdax、 cimz cazmoq、 guh ceiz、 gwn ngaizbakranz daengj hozdung, yinx ndaej haujlai hekyouz caeuq dangdieg vunzlai daeuj camgya daejniemh.

Gaenh geij bi neix daeuj, aen yienh neix gaenxmaenx sonyinx vunzlai lingzvued riuzcienj diegnamh, hwngfat ndaem caz daengj saekloeg canjnieb, dangqnaj daengx yienh ndaem caz mienhcik daengz 1.7 fanh moux, mbawcaz bi canjlieng daengz 3000 lai dun, canjciz daengz 2.4 ik maenz, mbawcaz canjnieb baenz cungj fuengsik vunzlai baenzfouq vutgungz he.

(Banh Cisiengz/潘志祥 Vuz Swnghbinh/吴生斌)