3 nyied 7 hauh, Bozvuzgvanj Goepgvej Dunghlanz Yen cingqsik doiq vunzlai haicuengq mbouj aeu cienz.

Aen gvanj neix cujyau youz vunzmbanj gag ok cienz hwnjguh, aeu Mbanjbahyingh Liu、 Dwng song fuengzcug guhcawj, seizneix gungh comz cienz 59 fanh maenz, caiq gyahwnj aen yienh neix vwnzgvangj sinhdijgiz daengj danhvei haenqrengz haeujcoengh. Seizneix aen gvanj neix gaenq baenz aen cunghhozsing bozvuzgvanj miz sourom、 yenzgiu、 baijlied、 gyauyuz daengj goengnaengz he, doiq engq ndei vatcimh、 swnjcienz、 baujhoh caeuq hwngfat Bouxcuengh minzcuz vwnzva maenhndei miz youqgaenj yiyi.

(Veiz Swngsieng/韦盛向)