3 nyied 10 hauh, Swcigih Gyauyuzdingh Minzcuz Gyauyuz Hwngfat Cungsim Lingz Hinghningz gyausou caeuq Guengjsae Gyauyuz Cuzbanjse cungjbenhciz Siz Lizminz daengj bae daengz Guengjsae Sawcuengh Hagdangz, yaengdamz gij saeh haifat Cuengh Gun song cungj saw vah gyauyuz sawsonhag susw okbanj.

Vihliux saedyienh Cuengh Gun song cungj saw sawsonhag youz conzdungj yiengq suswva okbanj cienjhingz swnggaep, Swcigih Gyau- yuzdingh Minzcuz Gyauyuz Hwngfat Cungsim、Guengjsae Sawcuengh Hag- dangz caeuq Guengjsae Gyauyuz Cuzbanjse lienzhab haifat gij saw Sawcuengh miz diemj doeg goeng- naengz haenx. Ceiqgonq saedyienh gij saw suswva okbanj dwg yozcenz gyauyuz hozdung cijdauj yungh saw 《Angq Hag Sawcuengh》(bonjgwnz、bonjlaj) caeuq gij sawsonhag Sawcuengh siujyoz itnienzgaep song loih vunqsik, dajsuenq youq ndaw bi okbanj fathengz, youq daengx gih Cuengh Gun song saw vah saedniemh hagdangz doigvangq sawj- yungh.

Cungj MPR cuzbanjvuz neix miz yinhbinz doxgyau goengnaengz, miz diemj doeg goengnaengz gig hab hagsib vah gangj caeuq hagseng gag guhcawj hagsib, cungj gisuz neix yungh youq Cuengh Gun song cungj saw sawsonhag yaek engq ndei dwk gikfat gij yinxdaeuz hagseng hag vahcoj, baujmaenh song saw vah gyauyuz cizlieng. Ciuq cam rox, Guengjsae Gyauyuz Cuzbanjse dwg dangqnaj gih raeuz aen danhvei daih’it yungh MPR gisuz okbanj bonjsaw.

(Dwngz Mingzsinh/滕明新)