●Denzyangz Yen yinxhaeuj doxgap bingzdaiz, yungh “hulenz- vangj + canjnieb” fuengsik, doeng- gvaq cwngfuj sonyinx、 gisuz haeuj- coengh、 giyez camgya、 vuzliuz boiqdauq fugsaeh seiq fuengmienh mizrengz baujcang, vih huq nungz- gya byaij ndaej okbae、 ra ndaej dieg gai ndei、 saedyienh yauqik ndei okrengz, caenh makgaivaiz canjnieb daengx yienh moix bi gwnz vangj gaicawx couh miz ca mbouj geijlai 50 fanh dun, siugaingeg mauhgvaq 300 fanh maenz.

(Vangz Gozsun)

●Mboengqneix, Guekgya Minzveij dinghmingz Fangzcwngz- gangj Si Fangzcwngzgih Nazliengz Cin Danhsanj Siujyoz baenz buek daihsam “daengx guek minzcuz doxgiet cinbu cauxguh hozdung sifan danhvei”. Geij bi neix daeuj, minzcuz doxgiet cinbu cauxguh hozdung youq aen si neix haeujlaeg haiguh, gak bumwnz gig yawjnaek, gya’gvangq cauxmoq, caen gaem saed guh, fatok gaenxmaenx daiqdoengh yinxlingx cozyung.

(Fu Yenzgez)

●3 nyied 9 hauh, Dasinh Yen haiguh bi 2016 ndaem faex caux ndoeng hozdung hainduj yizsi, yienh banhswj lingjdauj、 Dauz- cwngz Cin Cwngfuj caeuq yienh linzyezgiz ganbu cizgungh daengj 100 lai boux, caeuq dangdieg vunzlai itheij ndaem roengz 2300 go faex, hainduj bi 2016 ndaem faex caux ndoeng hozdung.

(Cinz Civanj)

●Mboengqneix, Lungzswng Gak Cuz Swciyen gvangqlangh haiguh vwnzva、 veiswngh、 faplwd、 gohyoz “seiq roengzmbanj” hoz- dung, cujciz dangjyenz ganbu、 yihvu yinzyenz、 bouxgagnyienh canghheiq、 lauxhangz gohgi daengj bae daengz yanghcin、 segih、 mbanj vih vunzlai soengq bae vwnzyi yienjok、 yawjbingh、 faplwd senh- conz、 gohgi beizyin daengj neiyungz， hawj vunzlai youq douranz couh ndaej yiengjsouh ndeicawq.

(Banh Cisiengz)

●3 nyied 9 hauh, Sanhgyangh Dungcuz Swciyen Yangzhih Yangh Gauhlu Cunh, beixnuengx Dungcuz doxcomz youq ndaw mbanj, doeng- gvaq guhcaz、 baij ngaizbakranz daengj conzdungj minzsuz hozdung, angqcoux ngoenzciet liggaeuq ndwenngeih co’ngeih.

(Vangz Yaubangh)