Rumz, ci caencingz mbouj sanq

Fwn, dongj gvaetyienz mbouj bae

Mwh vunzcaen biek nanz dauq roxraen

Doxcomz youq itheij seizde

Sojmiz najseng caeuq haemzndaenq

Cungj lumj fwjmok nei gag sanq bae

Gij ciengzgingj vaiqvued

Mbouj dwg song sam coenz vah gangj ndaej liux

Engq caux ndaej gij ciengzgingj vaiqvued okdaeuj

Haenx dwg dujva lwed gwd gvaq raemx

Yaemz youq ndaw ndokngviz laegmbub

Youq giz ronghrub roxnaeuz giz laepndaen

Itcig sengmaj dwk

Neix mboujgvaq dwg yaepyet doxraen

Sawqmwh byoq ok

Doenghgij ndei de couh lumj

Boi laeujhau ndeu

Hawj vunz aensim fiz liux

Song da doxcim

Gaem ndaet song fwngz

Lumj naeuz yaek dawz sojmiz

Caepcat ginglig raeuj doh bae

Gizsaed, moix boux vunz caemh mbouj caepcat gvaq

Mwngz gou gak boux youq gak giz

Cungj gag laeglemx gvaqniemh

Laeglemx gingqhoh

Laeglemx hoh fuk

Nyienh mwngz gvaq ndaej ndei gou cij vuenyungz

Lumj roeggitleih baenq youq ndaw uk vunzcaen

Mwh byonghhwnz laepndaem

Raemxda gag conh doxsiengj doxniemh

Bya sang loh gyae gek mbouj duenh ngawzmuengh

Hojndoq fouqmiz saek mbouj ndaej diuzloh doxraen

Caencingz, youq ndaw da vunzraeuz

Gag rox daejyienh okdaeuj ndeindi

Yawj, bauqrengh angqcoux geijlai yiengj

Yawj, bauqva dek yiengj geijlai ndei ngonz

Yawj, youq gwnz diuzloh bae ciepcaen

Mwngz couh gag rox, caemhcaiq gag mingzbeg

Gij ndiep gij gyaez vunzcaen geijlai naekna

Gij gyaez ndaw ndok geijlai caencingq geijlai

maqmuengh