Youq ndaw ndoengfaex, gofaex mwncup, duz- roeg caeuq doenghduz youq ndaw ndoeng vaiqvued dwk gvaq saedceij.

Miz ngoenz ndeu, gofaex daxgoeng gamjdaengz ndang in raixcaix, ndangdaej ngoenz beij ngoenz nyieg, mbawfaex hix ciemhciemh loenq roengzdaeuj lo, laxlawz dwg gofaex daxgoeng baenzbingh lo. Duz roegdingfaex rox le mbin gvaqdaeuj, laxlawz roegdingfaex couhdwg canghyw. Roegdingfaex yawjraen gofaex daxgoeng baenzneix nanzsouh, coenz vah ndeu mbouj gangj couh bang yw bingh lo, de diegneix dotdot, dieghaenx dotdot , couh ra ndaej yenzyinh lo. Roegdingfaex mbouj lau sinzhoj dawz duznon daj ndaw congh laeg dot okdaeuj, dawz non dot sat lo, ndang gofaex daxgoeng hix mbouj in lo. Roegdingfaex doiq gofaex daxgoeng naeuz: “Gij bingh haih ndang mwngz gou cawz bae lo, gvaq geij ngoenz mwngz couh ndei lo.” Gofaex daxgoeng naeuz:“Docih mwngz, canghyw!” “Mbouj yungh docih, gou dwg canghyw, neix dwg gou wnggai guh. Gou lij bae bang bouxwnq yw bingh, couh mbouj caeuq mwngz gangj lai lo.” Gangj sat roegdingfaex youh mbin bae gizwnq bang bouxwnq yw bingh lo.

（指导老师：罗少维）