Gaxgonq, miz boux vunz ndeu dawz aen guenq gig ndeiyawj he bae ganjloh. De byaij yaep he, mbouj siujsim aen guenq de deng doek youq henz roen gwnz ndaek rin hung he, aen guenq haenx doq soiq liux caez. Gyoengqvunz youq gwnz roen yawj lo, cungj dingz roengzdaeuj yawj, nyinhnaeuz aen guenq haenx gig ndeiyawj, deng doek dek bae hojsik dahraix. Hoeng, boux vunz guenq deng dek neix lumjnaeuz mbouj miz gienh saeh fatseng gvaq, gyaeuj de hix mbouj cienq daeujdauq, yawj hix mbouj yawj aen guenq de, lumjgaeuq yiengh haenx laebdaeb byaij roen ganjloh.

Seizneix gyoengqvunz gwnz roen cungj gamjdaengz gig geizgvaiq, boux vunz neix vihmaz baenzneix mbouj dawz- haeujsim ne? Aen guenq haenx gig ndeiyawj, dek bae caen dwg sim’in. Vanzlij miz vunz ngeiz boux vunz aen guenq dek cingsaenz mbouj cingqciengz.

Doeklaeng, miz boux vunz he bae cam boux vunz neix vihmaz yienghneix guh?

Boux vunz neix dap:“Aen guenq haenx gaenq doek dek liux lo, gou yawj de lai mbat de hix mbouj rox fukdauq baenz yiengh gaxgonq caengz doek dek, yienghneix, gou vihmaz caiq sai seizgan bae louzlienh de? Gou wnggai ganjgip bae ganjloh cij deng.”