Bonjbauq siusik (gicej Cau Dwzfeih) 3 nyied 3 hauh, denswjbanj 《Sam Nyied Sam》 cazci (banj Sawcuengh) youq Guengjsae Minzcuz Bau Vangj cingqsik haidoeng.

《Sam Nyied Sam》 cazci (Banj- sawcuengh) youq 1986 nienz 9 nyied okbanj, dwg minzcuz vwnzyoz ganhvuz aeu Sawcuengh okbanj, aeu fatbiuj gij vwnzyoz cozbinj saujsu minzcuz daezcaiz caeuq gungganq Sawcuengh bouxsij guhcawj, daeng gak minzcuz ndawbiengz vwnzyoz caeuq gij vwnzyi cozbinj fanjyingj daihneix saujsu minzcuz yienhsaed saedceij, caemh- caiq hong vah saw saujsu minzcuz nem yenzgiu faenzcieng. Gij cunghcij banh cazci banj Sawcuengh dwg yienh’ok daegsaek minzcuz, fanjyingj fungcingz bonjdieg, hoenghvuengh vwnzva minz- cuz, gungganq vunzmoq vwnzyoz, hwngfat vwnzyoz Bouxcuengh, vih gyagiengz minzcuz doxgiet、 hwnjguh gizdieg Bouxcuengh seveicujyi cing- saenz vwnzmingz fuzvu. Bonj cazci neix youq ndaw guek rog guek fathengz, rog guek Meijgoz、 Yizbwnj、 Audaliya nem guek raeuz Yanghgangj、 Daizvanh daengj 14 aen guekgya caeuq gizdieg cungj miz vunz dingh. Bonj cazci neix ndaej daengz haujlai guekrog lauxhangz gvamsim. 2006 nienz 6 nyied, bonj cazci neix boux fucungjbenh ndeu ndaej iucingj bae daengz Daigoz Majhihlungz Dayoz son’gyauq Bouxcuengh vah gangj vwnzva caemhcaiq gaisau 《Sam Nyied Sam》 cazci (banj Sawcuengh). Feih- couh Gyahnaz lauxhangz Bozaidunh daeuj fangjvwn 《Sam Nyied Sam》haujlai baez he gvaq, cibgeij bi daeuj, de itcig gag ok cienz dingh 《Sam Nyied Sam》 cazci (banj Sawcuengh).

Bonj cazci neix fwnfwn rumzrumz gvaq ndaej 30 bi lo, doiq doihengz yungh Sawcuengh caeuq fatyiengz Guengjsae minzcuz ndawbiengz vwnz- va fatok cozyung gig hung. Daj cauxlaeb daeuj, gonqlaeng miz 30 lai bien faenzcieng ndaej hoiz baenz Sawgun, youq 《Yinzminz Yizbau》《Minzcuz Vwnzyoz》《Minzcuz Cozgyah》fatbiuj. Miz 20 lai bien faenzcieng ndaej swngjgaep doxhwnj ciengj, gungganq le buek vunzmoq vwnzyoz Sawcuengh he. Linghvaih, 《Sam Nyied Sam》 lij gungganq le buek youh buek moq saujsu minzcuz cozgyah caeuq bouxvwnzva minzcuz, gyoengqde daj gizneix okbae, faenz- cieng gyoengqde ndaej guekgya gaep、 swngjgaep ciengjhung.