Daihngeih, yawj daengz reguek, doengjit guenjleix gij sienqreguek Lenzginh、Lungzcouh song aen digih lai ndei di (geizco Guengjsae ngamq gaijfang, laeb miz Digih Lungzcouh, guenjleix geij aen yienh diegbien caeuq Yeznamz doxrangh haenx, gij dieg neix caeuq Lenzginh doxlienz). Danghnaeuz vunzdig daeuj ciemq- hoenx ne, Lenzginh couh wnggai bengj Guengjsae guh diegbaihlaeng, Guengjsae couh wnggai aeu Lenzginh guh bakdou bonjfaenh. Daihsam, yawj daengz bienhleih sonyinx guh hong, Lenzginh liz Gvangjcouh gyae, Fwnhgiz Vaznamz caeuq Cwngfuj Swngj Guengjdoeng daeuj guenj miz di nanz. Hoeng Lenzginh caeuq Namzningz doxlienz, gyaudoeng bienhleih, beij youz Gvangjcouh guenj fuengbienh.

Fwnhgiz Vaznamz caeuq Yez Genyingh bihaenx daj daengxbuenz guekgya okdin guh ok aen gezcwz neix, caen dwg yawj ndaej gyae raixcaix.

Bi 1953 ndwen 3, Cwngfuj Lwg- minz Guengjdoeng bauq hawj Veij- yenzvei Ginhcwng Cunghnamz caeuq Cwngfuj Lwgminz Cunghyangh gonq, daezok dawz gij dieg Lenzginh hawj Guengjsae guenj, caemhcaiq cawj- doengh soengq gij caizliuh 4 yienh caeuq si ndeu gij Lenzginh hawj Guengjsae. Cwngfuj Lwgminz Guengj- sae hix guh ok faenh baugau hab’wngq hawj Guengjdoeng, daezok dawz Yen Vaizciz hawj Guengjdoeng guenj, caemhcaiq soengq gij caizliuh aen yienh neix gvaqbae. Ginggvaq Cungh- yangh baecinj, dakguenj duenh seizgan le, youq Cwngfuj Lwgminz Guengjdoeng genyi lajde, song swngj faenbied baugau hawj Veijyenzvei Ginhcwng Cunghnamz caeuq Cwngfuj Lwgminz Cunghyangh, daezok daj bi 1952 ndwen 1 hwnj, Digih Lenzginh caeuq Yen Vaizciz faenbied cingqsik veh gvi song swngj genci, ndaej daengz Cunghyangh baecinj. Digih Lenzginh gvi haeuj Guengjsae le, gaij heuhguh Digih Ginhcouh.

Doeklaeng, aenvih cungjcungj yenzyinh, bi 1955 ndwen 7 Digih Ginhcouh youh veh hawj Guengjdoeng guenj. Yen Vaizciz hix youz Guengjdoeng guenj.

Veiz Gozcingh dauqma Guengj- sae guh goengdaeuz le, mizmbangj dungzci lwnh de nyi Digih Ginhcouh genci bienqdoengh mbouj habdangq, de hix gamjdaengz, veh aen Yen Vaizciz cap youq ndaw Guengjdoeng hawj Guengjdoeng guenj, veh Digih Lenzginh haeuj Guengjsae guenj, daj vanzging deihleix、baijbouh hongbing daengz hwnjguh ginghci daeuj yawj, mboujdanh doiq Guengjsae mizleih, doiq Guengjdoeng hix mizleih, doiq daengxbuenz guekgya engq mizleih, caemhcaiq yienghneix guh doiq aen Guengjdoeng miz sienqhamqhaij raezrang mbouj miz maz yingjyangj hung. De lai baez caeuq gij vunzhong henz ndang de caeuq gij goengdaeuz seizhaenx gangj gvaq gij siengjfap de.

50 nienzdaih satbyai, boux dinghcangj Linzyezdingh Swcigih Cangh Vaz caeuq Veiz Gozcingh gangj daengz gij saeh Bwzhaij gvisug bienqdoengh seiz, miz di mbouj sangj dwk naeuz:“Aen bienqdoengh neix mbouj miz dauhleix dahraix! Gangj daengz minzeiq, gou guh boux suhgi Siveij caeuq boux sicangj Bwzhaij seiz hix ndaej rox, dingzlai vunz nyienh hawj Guengjsae guenj.” Veiz Goz- cingh naeuz:“Aenvih gij sibgvenq lizsij caeuq ginghci mbefat miz doxca, mbangj vunz louzlienh Guengjdoeng, raeuz lijgaij gyoengqde. Seizneix gaenq veh gvaqbae lo, doeklaeng raeuz caiq siengj banhfap ba, gou saenq cungj miz saek ngoenz ndaej dojdang gaijgez aen vwndiz neix.”

Boux minzcuj yinzsi、boux fucujsiz swcigih Lij Yinyinz hix haemq haeujsim gienh saeh neix, de caeuq naeuz:“Geizco gaijfang seizhaenx, gou doengz Yangz Dungh- cunz、Cinz Swjswngh doxyaeng gvaq, genyi veh Ginhcouh、Bwzhaij hawj , doeklaeng cunghyangh doengzeiq le, dou gig angq, gvaqlaeng youh miz bienqdoengh, gou saedcaih siengj mbouj doeng. Doeklaeng bae camgya Hoihhung Daibyauj Lwgminz Daengx Guek, gou vanzlij aeu daez yigen.” Veiz Gozcingh naeuz:“Gou doengzeiq gij yigen mwngz, raeuz miz cwzyin bae fanjyingj gij iugouz lwgminz gak cuz Guengjsae.”

(caengz sat)