Ngamq gvaq sat ndwencieng

Cingeng aeu cagaenj

Bwh bwnh bwh haeuxfaen

Gaenriengz hwnj vunzdoih

Reihnaz ganj caerauq

Mbouj lauq gvaq ndwenngoenz

Dub mienz geng laeg mboeng

Haeux rim loengx rim gvih

Siengj gomiuz maj noengq

Nywjnya oemq guh bwnh

Dieg oem gohaeux mwn

Fwnraemx coi miuz cangq

Fuengz namh raemx dongj deuz

Geuh rin daeuj caepcoih

Reihhaeux nem reih’oij

Vanq hoi mied nonhaih

Nazbo caeuq reihbaiz

Aeu hai mieng baiz raemx

Nazgyaj dimoz hoemq

Mbouj lau oemq mwinae

Nazmbwt caeuq nazboengz

Soeng namh dak geij ngoenz

Seizciet baez daeuj daengz

Doq nyaengq guh ndaemcin

Ngoenz dauq laep hwnq romh

Ciengj gonq mbouj ceng laeng

Dinfwngz guh ndaej daengz

Haeuxfaengx mbouj youheiq

Vunz gaenx gyaranz fouq

Haeux lw gwn lw gai

Caiq ciengx geij duzvaiz

Cienzcaiz haeuj mboujduenh