2 nyied 25 hauh, Sanhgyangh Dungcuz Swciyen youq yienhsingz dohyeh gvangjcangz banh gaiq daih’it ciet aenvenz, daengx yienh 20 aen doihvenz doxcomz youq giz haenx, aeu fouxaenvenz caijdangz caeuq boq venz doxdax guh cezmuz biujyienj ndei yawj, baijyienj fungcingz. Gaenh geij bi neix daeuj, aen yienh neix roengzrengz dajcaux “《Naenghhwnz》 ngoenzngoenz yienj、 moix aen singgeiz ngaizbakranz、 ndwenndwen gvaq ciethung” binjbaiz, coicaenh Mbanjdung lai cungj minzcuz vwnzva caeuq yenzswnghdai fungcingz lijyouz doxgap caemh guh.

(Vuz Lenyinh/吴练勋 Gungh Bujgangh/龚普康)