2 nyied 27 hauh, Ginhsiu Yauzcuz Swciyen beixnuengx Banzyauz daenj buhvaq ngoenzciet ronghsag gyaeuget daeuj daengz yienhsingz doiq fwen gyau youx, cawx doxgaiq yaek yungh haenx. Ngoenzhaenx dwg liggaeuq ndwencieng ngeihcib, dwg ciet gingqrumz conzdungj Banzyauz Ginhsiu. Ciuq cam rox, ciet gingqrumz moix bi gvaq song baez, ndwencieng cocib heuh “gingqrumz bae”, ndwencieng ngeihcib heuh “gingqrumz dauq”, youq ciet gingqrumz seiz mbouj yungh cax、 mbouj bae reihnaz guh hong.

(Cinz Haijyen/秦海燕)