Mboengqneix, Cungzcoj Gvangj- bo Dendaiz 《Sinhvwnz Vahcuengh》 ndaej daengz Swcigih Sinhvwnz Cuzbanj Gvangjdengiz bingz baenz 2015 nienzdoh Guengjsae gvangjbo densi lanzmoeg maenhndei.

Cungzcoj Gvangjbo Dendaiz 《Sinhvwnz Vahcuengh》 lanzmoeg daj 2014 nienz 8 nyied 6 hauh haicuengq daeuj, giendingh yungh Vahcuengh Cungzcoj bonjdieg lwnh daengx si cwngci、 ginghgi、 vwnzva daengj gyoebhab sinhvwnz, yungh vah doengsug dingq rox bangcoengh vunzlai Bouxcuengh gibseiz roxyiuj saehhong guekgya caeuq dangdieg seizsaeh sinhvwnz nem lajmbanj gohgi baenzfouq、 hwnjguh lajmbanj moq daengj fuengmienh saenqsik, doiq senhconz cwngfuj haiguh gak hangh hong hwnjdaengz youqgaenj cozyung, ndaej daengz haujlai bouxdingq haengjgyaez. Dangqnaj, aen lanzmoeg neix gaenq cuengqok 385 geiz.

2015 nienz 3 nyied daengz 12 nyied, Swcigih Sinhvwnz Cuzbanj Gvangjdengiz haiguh 2015 nienzdoh Guengjsae gvangjbo densi lanzmoeg maenhndei bingzsaemj, ginggvaq cujciz lauxhangz bingzsaemj doiq cezmuz guh doenghdaiq caekbingz nem gyoebhab bingzbeij ndwennaengz song baez haenx, Cungzcoj Gvangjbo Dendaiz 《Sinhvwnz Vahcuengh》 ndaej bingz baenz 2015 nienzdoh Guengjsae gvangjbo densi lanzmoeg maenhndei, caemhcaiq ndaej ngaenzcienz bang- coengh.

(Dwng Haijcouh/邓海周)