●Ndwencieng geizgan, Duh- anh Yauzcuz Swciyen gak yanghcin、segih、 aenmbanj vunzlai laebdaeb yienj vwnzyi cezmuz ndei yawj. Ciuq cam rox, aen yienh neix gak yanghcin、 segih、 aenmbanj ndwencieng vwnzdij hozdung daj 1 nyied 20 hauh hainduj, daengz 2 nyied 23 hauh guhsat, daengz seizneix, daengx yienh gungh banh gak cungj vwnzyi yienjok 40 lai ciengzbaez.

（Vangz Bungzvanh）

●Gaenh geij bi neix daeuj, riengzdwk beksingq saedceij suij- bingz daezsang, Lingzyinz Yen lajmbanj gak cuz vunzlai gag cujciz doihfwen, leihyungh seizhoengq haeuj ranz haeuj mbanj, doxcaez hagsib demgya cingzngeih, fungfouq vunzlai vwnzva saedceij, ndaej daengz haujlai vunzlai haengjgyaez.

(Siuh Fazlingz)

●2 nyied 19 hauh, Lungzswng Gak Cuz Swciyen banh “rumzcin hengzdoengh” nem lajmbanj vunz- hong rahong yienhciengz hoih- ciuvunz, 50 aen giyez doxcomz youq Lungzswng yienhsingz gvangjcangz, ciura vunzcaiz, yienhciengz gungh daezhawj ca mbouj geijlai 5000 aen gangjvei, baugvat gisuzgungh、 gai doxgai、 guenjleix daengj hong, bangcoengh bouxguhhong dauqma ranzmbanj haenx youq douranz couh ra ndaej hong guh.

(Veiz Gizyangz)

●2 nyied 15 daengz 16 hauh, 2016 nienz Cungguek Myauzcuz ciet diuqbo youq Lungzlinz Gak Cuz Swciyen yienhsingz caeuq Dwzngoz Cin banh. Hozdung neiyungz fungfouq lai cungj、 ndei yawj raixcaix. Minzsuz gofoux baijyienj caeuq gai doxgai daengj, hawj gyoengq bouxyawj yawj dwk da cungj mbouj yaep.

(Dauz Dwzgvangh)

●2 nyied 17 hauh, Swhyenz Yen youq Vwnzsinh Gvangjdijgiz ranzhaihoih hai aen hoih naengh- damz haicuengq Vahmyauz gvangj- bo densi cezmuz, baez hoihnaengh- damz neix gungh iucingj le aen yienh neix lauxhangz gak hangz saujsu minzcuz gungh 25 boux camgya. Bouxcamgya hai hoih haenx youq hai hoih seiz gaenx- maenx vih Vahmyauz gvangjbo densi cezmuz haicuengq ok geiqmaeuz. Ciuq cam rox, Swhyenz Yen Vahmyauz gvangjbo densi cezmuz yaek youq bineix 3 nyied haicuengq.

(Dangz Meijyungz Lij Bwnjyen)