Fwn seizdoeng, dingzlai dwg gap miz siet, doxcaez doek roengzdaeuj, couh lumj lau caemrid nei ra vunz buenx; fwn seizdoeng, dingzlai cungj dwg fwn iq, couh lumj gaiqfwngz nei lumh aen’gyaeuj gyoengqraeuz; fwn seizdoeng cungj dwg youq giz dieg ndeu dingz saek ngoenz song ngoenz, lumj laeq lwgnyez manzbeiz nei dajlaih youq gizhaenx mbouj bae.

Fwn seizdoeng lumj naedhaeux hung, menhmenh mbin roengzdaeuj, mbin daengz gwnz dieg, caeuq ndik fwn gaenq doek daengz gwnz dieg haenx yungz youq doxcaez, gyonj baenz gumz raemx iq, gyoengq lwgnyez gyaez guhcaemz haenx, youq ndaw gumz raemx iq diuqyat.

Fwn seizdoeng, lumj bouxsoengqsaenq unqswnh nei, lwnh raeuz mbwn nit lo, daihgya yaek lai daenj di buh, siujsim dwgliengz; fwn seizdoeng, youh lumj boux conhgyah dajcang, aeu seizdoeng bingz- damh citcat haenx dajcang ndaej gyaeundei dangqmaz hawj vunz maez.

(sam nienzgaep Vangz Yuz)