2 nyied 18 hauh, liggaeuq ndwencieng cib’it, youq Yungzsuij Myauzcuz Swciyen Ganjdung Yangh, dangdieg beixnuengx Myauzcuz cingq banh rag gyong doxdax, angqhoh ndwencieng cibngeih ciet “rag gyong aenvenz buhbwnroeg” daeuj daengz.

Ciuq cam rox, binaengz ndwencieng cibngeih dwg ciet “rag gyong aenvenz buhbwnroeg” dangdieg moix bi gvaq baez haenx, ngoenzciet gonqlaeng duenh seizgan neix, dangdieg cungj banh rag gyong、 boq aenvenz、 diuq fouxaenvenz daengj vwnzva dijyuz hozdung gig miz daegsaek minzcuz naekna, angqhoh cietndei.

Dangdieg beixnuengx Myauzcuz doiq cwzvaiz daegbied gingqcungh, aen gyong aeu daeuj guh rag gyong doxdax haenx lij veh miz gyaeuj cwzvaiz, eiqsei dwg aen doih aen mbanj lawz rag gyong doxdax ndaej hingz, couhdwg ciengj ndaej le ciudaeuz ndei bi haenx fungsou.(Gungh Siengzyouj/龚祥友)