1. Mbouj hozhat hix aeu gwn raemx. Youq ndaw ngoenzciet, dungxsaej vunzraeuz fudanh beij bingzseiz lai ndaej lai. Vihneix, swiq conghsaej gig miz bizyau. Wng noix gwn haeuxmienh、dangzmak、huq- diemz. Daegbied aeu haeujsim lai gwn raemx, ceiq ndei dwg gwn raemxgoenj roxnaeuz raemxcaz. Baenzneix ndaej gyavaiq dungxsaej noddoengh caeuq sup haeuj baiz ok, gemjsiuj noh caeuq laeuj sienghaih aen’daep.

2. Lai gwn byaekheu caeuq lwgmak. Ngoenzciet dingzlai dwg gwn noh gwn bya roxnaeuz gij huq ciencaq nem huqdiemz. Gwn gij huq ciencaq yungheih hawj aendungx yaemz ndat, yinxhwnj baenz haexgaz caeuq dungx ciengq, gwn huqdiemz daiq lai hix rox baenz mamx haw seng caep, yinxhwnj siqdungx. Ndigah, gvaq ciet le aeu lai gwn di byaekheu mbawloeg caeuq lwgmak he, yienghneix ndaej boujcung nyinzsei gijgwn, bangcoh baiz labcab ndaw ndang okdaeuj, caemhcaiq ndaej doeng haex caeuq diuzleix dungxsaej dem. Linghvaih, maenz- cienz baenz yw, hix ndaej nyinhciengx aendungx, cawj guh byaek roxnaeuz cawj cuk gwn caemh ndaej.

3. Haeujsim bauj raeuj aen- dungx. Gvaq cieng le guek raeuz dingzlai digih lij doek nae mbwn nit, aeu haeujsim bauj raeuj aendungx, mienxndaej deng nit le dungxsaej mbouj cwxcaih. Boux baenz dungx hawcaep aeu haeujsim bauj raeuj, mienxndaej dwgliengz.