Daxboh gou dwg boux gingjcaz he, guhhong gig sinhoj.

Miz ngoenz he banhaemh, daxboh okcai dauqma, couh fujdauj gou sij cozyez. Gou sij sat cozyez le, daxboh cij gwn caeuz.

Yawj daxboh gij yiengh gwnguk, gou miz di sim’in, couh raix buenq boi raemx- ndat. Gou cimz gaemz he, miz di ndat, youh cung di raemxgoenj liengz roengzbae. Gou dawz raemx bae hawj daxboh, naeuz:“Boh, mwngz menh di gwn, gwn gaemz raemx he ba!” Daxboh ciep gvaq boi raemx, cuengq daengz henz bak, dingz mbat he. Gou riu naeuz: “Gou cimz gvaq lo, mbouj gyoet hix mbouj ndat.” Daxboh gwn le buenq boi, lumh aen’gyaeuj gou naeuz:“Docih daeglwg, mwngz caen dwg boux lwgnyez ndei youh roxsoq youh saeqsim he!”

(ngeih nienzgaep Cang Yizsiz)