Vihliux fungfouq vwnzva saedceij daengx si saujsu minzcuz vunzlai, doidoengh hong vah minzcuz gvangjbo yingjsi byaij hwnj mbaek lae moq, daj bi 2105 ndwen 10 hainduj, Cungzcoj Si Minzyijveij haenqrengz dajcaux buek Vahcuengh yingjyaem cozbinj mboujdan miz daegsaek bonjdieg Cungzcoj youh miz itdingh yingj- yangjliz he. 《Cungzcoj Gyaeundei》 dwg Cungzcoj Si sigoh, daibyaujsing gig gvangqlangh caeuq yingj- yangzliz haemq ak, ndigah Cungzcoj Si Minzyijveij aeu 《Cungzcoj Gyaeundei》 Banjvahcuengh guh Vahcuengh yingjsi cozbinj cungdenj dajcaux ndawde aen he. Seizneix, hong loegguh gaenq guhsat, caemh- caiq youq mbangj hozdung sawq- cuengq, yaugoj gig ndei. Riengzlaeng yaek youq daengx si doigvangq cuengqok, yungh de senhconz daeg- saek vwnzva minzcuz aen si neix, fatyiengz gij cingsaenz daengx si gak cuz beksingq doxgiet haenqguh、roengzrengz cauxnieb.

(Dwng Haijcouh/邓海周)