●Gaenh geij bi neix daeuj, vih caenh’itbouh daezsang boux- guhnaz gohyoz ndaemnaz suijbingz, Gunghcwngz Yauzcuz Swciyen nungzyez bumwnz baengh yangz- gvangh gunghcwngz、 gihcwngz nungzgi doigvangq hanghmoeg、 sinhhingz bouxguhnaz cauxnieb beizyin daengj cungdenj hangh- moeg, doiq bouxguhnaz guh ndaem faexmak、 guenjhoh byaek、 ndaem bwnhfoed daengj gisuz beizyin, cujciz nungzgi yinzyenz haeuj daengz gyang naz gyang reih, aeu saenqsik gisuz baenzfouq son hawj bouxguhnaz.

(Liengz Veih)

●2 nyied 13 hauh, Cauh- bingz Yen Vangzyauz Cin Sinhcai Cunh vunzlai youq gwnz bya nyaengq vat gumzfaex, caepcawq ndaem faex. Ndwencieng geizgan, Cauhbingz gak dieg haujlai vunz leihyungh dienheiq ndit ndei, hwnj bya cingjleix diegnamh vat gumz, vih bi moq ndaem faex caux ndoeng guh ndei caepcawq.

(Vangz Sihuz)

●2 nyied 9 hauh, Lingzyinz Yen Gyahyouz Cin Yanghlij Cunh vunzlai gag cujciz hoihfwen angq- hoh ciengmoq cietndei daeuj- daengz. Gungh miz Lozyez、 Fung- sanh、 henzgyawj yanghcin daengj 200 lai boux canghfwen Boux- cuengh daeuj camgya hoihfwen doiqfwen, miz 5000 lai boux bouxyawj daeuj yawj, yienhciengz nauhyied raixcaix.

(Siuh Fazlingz)

●2 nyied 13 hauh, Lungz- swng Gak Cuz Swciyen Bingzdwngj Yangh Gvangjnanz Cunh banh ciet vwnzva laeuzgyong. Hozdung neiyungz lai cungj lai yiengh, yinx gak dieg hekyouz fanh lai boux bae yawjngonz. Beixnuengx Dungcuz daenj buhvaq Dungcuz moqsag lwenqda, ndwn youq song henz roen baihnaj mbanj, boq aenvenz angqcoux gak dieg hekyouz daeuj- daengz.

(Lungz Cwng)

●2 nyied 13 hauh (Liggaeuq ndwencieng coroek), Cenzcouh Yen Myaudouz Cin “hoh cieng cibngux” minzsuz hozdung hainduj yienj, baez hozdung neix banh 10 ngoenz. Geizgan gak mbanj cungj banh ndawbiengz vwnzyi baijyienj、 citheiq cienciengz yienjok、 foux- lungz fouxsaeceij daengj minzsuz biujyienj, vih vunzlai yienj conz- dungj minzsuz vwnzva ndei yawj.

(Vangz Swhcang)