1. Lwgraz. Ngenz lwgraz mienz, gya di begdangz heuz raemxgoenj gwn, haethaemh gak gwn baez ndeu, 7 ngoenz guh aen liuzcwngz ndeu, gwn 5 daengz 6 aen liuzcwngz le, bouj uk cangq uk yaugoj maqhuz ndei.

2. Makhwzdauz. Aenvih ndaw makhwzdauz hamz miz bubaujhoz cihfangzsonh, deng guek raeuz conzdungj nyinh guh gijgwn cangq uk, ngoenz gwn 2 daengz 3 aen couh ngamj. Genhciz ciengzseiz gwn couh ndaej ciengx uk、demgiengz geiq- singq、siucawz uk naetnaiq. Danh- seih mbouj ndaej gwn daiq lai, gwn lai rox baenz haex ndongj、ndaeng ok lwed.

3. Ceh godaengngoenz. Ndaw ceh godaengngoenz hamz diet、sinh、gyaz、meij daengj veizlieng yenzsu caeuq veizswnghsu E gig lai, miz itdingh bouj uk cangq uk cozyung. Sizcenj cwngmingz, bouxvunz haengj gaet ceh godaengngoenz, mboujdanh naengnoh hoengzmaeq、unqoiq, caemhcaiq aen’uk singjsag、geiq- singq gig ndei、gangjvah miz diuz miz leix.

4. Haijdai. Haijdai hamz miz yayouzsonh、lonjlinzcih daengj yingz- yangj cwngzfwn, gwn de ndaej cangq uk. Linghvaih, de hamz miz gyaz yenzsu, seizdoeng gwn de ndaej dingj nit.

5. Cijvaiz. Cijvaiz dwg gij goekmboq youhciz danbwzciz、hwzvangzsu、gyaz、gai、linz、 veiz- swnghsu B12、veizswnghsu D, gij yingzyangj doxgaiq neix ndaej bang aen’uk daezgung hawj lai cungj yingzyangj. Seizdoeng dwg aen geiqciet ceiq ndei rom naengzliengh ndeu, lai gwn cijvaiz ndaej bauj raeuj.