Bi 2015, Yungzsuij Myaucuz Swciyen ciuq “Yungzsuij gyaeundei·Mbanjmyauz fungcingz” lijyouz hwngfat dinghvih, aeu lijyouzyez、 fuzvuyez hwngfat guh daengx yienh roek aen hong cungdenj daeuj guh, yungh gij rengz daengx yienh doicaenh lijyouzyez hwngfat, dingh- ok cwngcwz youhvei, yungh banhfap akrengz, gyavaiq lijyouz giekdaej sezsih、 cungdenj gingjgih gingj- diemj hwnjguh, mboujduenh daezsang lijyouz fuzvu guenjleix cizlieng, guh hung guh ak minzcuz fungcingz lijyouz, cauxguh hong Guengjsae yienh okmingz daegsaek lijyouz aeundaej cingzcik yienhda. Daengx yienh lijyouz hanghmoeg gungh bued cienz 4.24 ik maenz, guh lijyouz gyaudoeng、 gingjdiemj swnggaep giekdaej sezsih、 yienh- singz hajsinggaep lijyouz diemq- laeuj、 hekyouz comzsanq cungsim daengj hanghmoeg hwnjguh, riengz- dwk gak aen hanghmoeg doicaenh, cobouh guhbaenz yanghcunh youz- cet、 minzsuz youzcet、 byaraemx youzcet daengj lijyouz gwzgiz, vih aen mingzdaeuz ndei Yungzsuij neix, miz yied daeuj yied lai vunz daengz Yungzsuij lijyouz. Bi 2015 daengx yienh gungh ciepdaih ndaw guek rog guek hekyouz 389.06 fanh vunzbaez, doengzbeij demgya 72.4%, lijyouz gyonjgyoeb souhaeuj 27.59 ik maenz, doengz- beij demgya 103.77%. Daihsam canjnieb aeu lijyouz guhcawj haenx hwngfat gyavaiq, daengx bi saed- yienh siuhfeibinj cekgai cungj- ngeg 24 ik maenz, demgya le 10%, lijyouzyez hwngfat youh vaiq youh ndei, baenz canjnieb youqgaenj dangdieg vunzlai vutgungz baenz- fouq.

（Fung Sauswh/凤绍师 Veiz Yungzcunh/韦荣春）