●Mboengqneix，Bingzgoj Yen Minzcuzgiz bae daengz Bohcau、 Giucwngz、 Sinh’anh daengj yangh- cin, doiq hagseng gungzhoj bi’gvaq bangcienz haenx guh dauqcunz. Ciuq cam rox, aen giz neix bi 2015 seizcou bangcienz le 14 boux hagseng gungzhoj saujsu minzcuz maenhndei haeujhag, ndawde miz 7 boux daihhagseng、 7 boux gauhcungh- swngh, daihhagseng ngamq haeujhag moix boux ndaej cienz bangbouj 3000 maenz, gauhcunghswngh moix boux ndaej cienz bangbouj 1000 maenz.

（Lij Gyanghlanz）

●1 nyied 6 daengz 29 hauh, Vanzgyangh Minzcunghgiz ok cienz 10 fanh maenz banh ban beizyin dinfwngz san gyaepfaexcuk Mauz- nanzcuz. Doenggvaq beizyin, miz- yauq daezsang le gyoengq yozyenz dinfwngz san gyaepfaexcuk, hix vih aen yienh neix baezlaeng yenzgiu、 baujhoh、 haifat、 fatyiengz gyaep- faexcuk caeuq hengzguh baujhoh nem hwngfat saujsu minzcuz conzdungj fwngzguh gunghyibinj dwkroengz giekdaej.

(Danz Sumyauz)

●1 nyied daeuj, Gunghcwngz Yauzcuz Swciyen cujciz anhgenh、 gungh’anh daengj bumwnz haiguh bauqva bauqrengh “daj feih” cien- hangh hengzdoengh, yiemzleih caz- cawq feihfaz swnghcanj、 yocuengq、 gai bauqva bauqrengh daengj famhfap hingzveiz. Daengz seizneix, aen yienh neix gungh’anhgiz gungh sou ndaej feihfaz bauqva bauqrengh dij cienz 2 fanh lai maenz.

(Couh Binjciuh Vangz Siuj- ginh)

●Bi 2015 daeuj, Fuconh Yauz- cuz Swciyen gaenxmaenx doicaenh swnghdai lajmbanj mbanj guhyiengh loegvaq hwnjguh, daj cienz、 doxgaiq、 vunzhong daengj fuengmienh gyalai bued roengz ligdoh, cingjhab yen linzyezgiz、 gunghsanghgiz、 yangh- cunhban daengj bumwnz doengzcaez camgya, ndaem faexgveiqva daengj dinfaex binjcungj, mizyauq doicaenh le mbanj guhyiengh loegvaq hwnjguh, aeundaej yaugoj gig ndei.

(Cinz Yengiz)