Dangnohcwz. Ndaw nohcwz hamz miz daihliengh veizswnghsu B6, ndaej hawj ndang vunz lai dingj ndaej bingh, coi habbaenz danbwzciz caeuq sup haeuj baiz ok. Danghnaeuz ronq nohcwz cawj dang caemhcaiq dwk di makyungz he gwn, cungj dang neix mboujdanh bauhamz haujlai yingzyangj ndaw nohcwz, lij dem miz gij hoengz makyungz, gojsonh ndaej hawj nyinzsei nohcwz bienq unq, yingz- yangj engq lai.

Dangndok. Gij yingzyangj cwngzfwn caeuq gyauhyenz danbwz ndaw ndok ndaej coi ndang vunz lwed loq lae baedauq, doengh boux 50 daengz 59 bi goetndok lauxvaq ceiq vaiq, lai gwn di dangndok he ndaej yawhfuengz caeuq gamhanh goetndok lauxvaq, doiq doiceiz nyieglaux miz itdingh bangcoh.

Dangnohbya. Ndaw dangnoh- bya miz cungj cihfangzsonh daegbied ndeu, ndaej dingj humzhaenz, ndaej bangbouj ceihyw saihoz haenz, yawhfuengz baenz binghae’ngab, doiq binghae’ngab lwgnyez daeg- bied miz yaugoj.

Dangnohgaeq. Ndaw dang- nohgaeq daegbied dwg gij yingz- yangj cwngzfwn danggaeqmeh, ndaej gyavaiq conghhoz caeuq cihgi’gvanj lwed lae baedauq, hawj raemxniu lai iemqok, gibseiz cingcawz binghdoeg ndaw saihoz, vaijgaij aenvih dwg- liengz yinxhwnj baenzae caeuq conghhoz sauj、conghhoz in daengj bingh. Aeuq dangnohgaeq seiz, ndaej gya dwk di haijdai、raetrang ndeu, yienghneix baujgen yaugoj engq ndei.

Dangdaezmou. Ndaw dang- daezmou hamz miz gyauhyenz danbwz ceiq lai, ciengz gwn cungj dang neix ndaej meijyungz ciengx noh. Danhseih aeu daezsingj dwg, aeuq dangdaezmou seiz ceiq ndei dwk di byaekheu he, lumj ngaeux、byaekyouzcai daengj, yienghneix ndaej hawj raemxdang mbouj nywnx, byaekheu lij ndaej coi siuvaq.

Danghnaeuz youq seizdoeng mbouj yawjnaek gwn bouj caeuq baujgen, menjyizliz aenndang couh doekdaemq, caiq gyahwnj mbouj bae cizgiz guh yindung dem, mbangj bingh couh rox ciemq haeuj ndang bae. Ndigah, wng haeujsim yawjnaek gengangh gwnndoet, gohyoz bae senj gwn mbangj yingzyangj doxgaiq ndeu.