Daengngoenz seizdoeng ceiq dwggyaez. Gou buet bae daengz cauhcangz, dinghdingh ninz youq gwnz diegnywj, caj daengngoenz okdaeuj. Hoeng, daengngoenz lumj caeuq gou doxndoj guhcaemz nei, yaep ndeu daj geh fwj diuq okdaeuj, yap ndeu youh ndoj haeuj ndaw fwj bae. Gou ngamq laep da siengj yiengjsouh ndit raeujrub seiz, youh mbouj ndaej mbouj hai dai daeuj ra aen daengngoenz diuqbeiz neix. Doeklaeng, daeng- ngoenz lumj guhcaemz baeg lo, couh itcig youq gizhaenx mbouj ndoj lo. Seizneix, gou gamjdaengz lumj miz doiq fwngz yawj mbouj raen he, lumj aennaj gou, got genfwngz gou. Miz di rumz raeujrub he, youq henz rwz gou ci. Gou laep da hwnj, aj song gaiq fwngz, gamjsouh cungj cwxcaih neix, lumj youq ndaw loq fangzhwnz gyaeundei nei. Gou mbouj gamj hai da, lauheiq cungj cwxcaih gyaeundei neix siusaet bae.

(seiq nienzgaep Cwnz Gaijgangh)